कोल्हापूरची जागा ही ठाकरे गटाची असल्याचं संजय राऊत यांनी म्हटलं आहे. एकप्रकारे कोल्हापूरच्या जागेवर संजय राऊत यांनी दावा केला आहे. कोल्हापूरची जागा आता ठाकरेंची शिवसेना लढणार का असा सवाल उपस्थित झाला आहे. तर शाहू महाराज मशाल चिन्हावर लढणार का? असा सवाल उपस्थित होत आहे.
शाहू महाराज यांच्यासोबत चर्चा करणार असल्याचं संजय राऊत यांनी म्हटलं आहे. शाहू महाराज यांनी लढावं असं विनंती करणार असल्याचं संजय राऊत यांनी म्हटलं आहे. तर छत्रपती शाहू महाराज कोल्हापूरातून लोकसभेसाठी मविआतून उमेदवार असतील अशी चर्चा मागील बऱ्याच दिवसांपासून सुरु आहे आणि शरद पवार यांनी तसे संकेतही दिले होते त्यांनी चर्चा केल्याचही समोर आलं आहे. याच पार्श्वभूमीवर संजय राऊतांची ही महत्त्वाची प्रतिक्रिया समोर आली आहे.