सयाजी शिंदे हे मराठी हिंदी तसेच दक्षिणात्य चित्रपटांमध्ये पाहायला मिळाले आहे. तर सयाजी शिंदे हे मुख्यतः खलनायकाच्या पात्रात भूमिका पार पडत असले तरी त्यांनी त्यांच्या समाजप्रबोधनाच्या कार्यातून अनेक लोकांच्या मनावर राज्य केलं आहे. सध्या ते सिनेसृष्टीसोबतच राजकीयवर्तूळात देखील आपला उत्साह दाखवत आहेत.
सध्या विधानसभा निवडणूका सुरु आहेत पक्षातील अनेक नेत्यांनी आपल्या प्रचारांना आणि सभांना सुरुवात केली आहे याचपार्श्वभूमीवर महायुतीचे उमेदवार दिलीप मोहिते पाटील यांच्या सभेला सयाजी शिंदे यांनी उपस्थिती लावली होती.
यावेळी पुण्याच्या खेड तालूक्याला मंत्रीपदाची संधी असून विकास कामांच्या जोरावर दिलीप मोहिते पाटील आमदार करा अशी संधी पुन्हा नाही असं प्रसिद्ध सिनेअभिनेते सयाजी शिंदे यांनी म्हटलं आहे. दिलीप माहिते पाटलांनी डेहणे, वाडा आणि कडूस याठिकाणी प्रचार करत विरोधकांचा चांगलाच समाचार घेतला आहे.