नागपूर : व्यापाऱ्याला गेमिंग अ‍ॅपच्या नादी लावून 58 कोटींची फसवणूक केल्याप्रकरणी फरार असलेल्या सोन्टू जैन नावाच्या आरोपीनं नागपूर कोर्टात शरणागती पत्करली आहे. सोन्टू जैनला कोर्टातून अंतरिम दिलासा मिळाला होता. परंतु अंतरिम जामिनाची मुदत संपण्याआधीच तो फरार झाला होता. जामिनाचे सर्व मार्ग बंद झाल्यानंतर सोन्टू जैन यानं शरणागती पत्करली असून सोन्टू जैन यानं आतापर्यंत किती जणांना फसवलं आहे, याची पोलीस आता चौकशी करणार आहेत.