आजपासून हिवाळी अधिवेशनाला सुरवात होत असून, पुण्यातील काँग्रेसचे आमदार रवींद्र धंगेकर हे स्टेथोस्कोप आणि एप्रन घालून डॉक्टरांच्या वेशभूषेत विधानभवनात पोहचले आहेत. ललित पाटील ड्रग प्रकरण सध्या गाजत आहे. याप्रकरणी उच्चस्तरीय चौकशीची मागणी आमदार रवींद्र धंगेकर करत आहेत. याचाच भाग म्हणून आमदार रवींद्र धंगेकर पहिल्याच दिवशी डॉक्टरचा अप्रोन आणि स्टेटसस्कोप हातात घेऊन विधान भवनात पोहोचले. डॉक्टर संजीव ठाकूरला अटक झाली पाहिजे, अशी आमदार रवींद्र धंगेकरांनी सरकारकडे मागणी केली आहे.