बीड: उद्धव ठाकरे गटाचे बीड जिल्ह्यातील नेते आणि माजी मंत्री बदामराव पंडित (Badamrao Pandit) त्यांच्या शिवराळ भाषेमुळं पुन्हा चर्चेत आले आहेत. जो कार्यकर्ता माझं काम करणार नाही त्याला बंगल्यावर बोलावून बुटानं मारीन असा दमही त्यांनी कार्यकर्त्यांना दिला आहे. बीडच्या गेवराई विधानसभेसाठी बदामराव तयारी करत आहेत. त्यांनी कार्यकर्त्यांची बैठक घेतली. या बैठकीनंतर त्यांनी थेट कार्यकर्त्यांना दमबाजी केली आहे. उद्धव ठाकरे गटाच्या नेत्याच्या या दमबाजीमुळं संताप व्यक्त केला जात आहे.