साताऱ्यातील वाई तालुक्यात मोठी दुर्घटना घडली आहे. धोम धरणाचा डाव्या कालव्याला पहाटे मोठं भगदाड पडलं आहे. हा कालवा फुटल्यानं ओझर्डे गावात मोठा पूर आला आहे. या पुराचा पाण्यात अनेक ऊस तोड कामगार अडकले होते. मात्र त्यांना वेळीच बाहेर काढल्याने मोठी दुर्घटना टळली. मात्र या ऊस तोड कामगारांचे सर्व साहित्य ,अन्नधान्य,पैसे आणि काही बैलगाड्या, 2 बैल वाहून गेले. या ऊस तोड कामगारांचे संसार उघड्यावर पडले आहेत. या घटनेच्या ठिकाणी जिल्हा प्रशासन पोहचले असून या दीडशेच्या वर कामगारांना सुरक्षित स्थळी हलविण्यात काम सुरू आहे. सुदैवाने या घटनेत कोणतीही जीवित हानी झालेली नाही. मात्र घरं आणि शेतजमीनीचं मोठं नुकसान झालं आहे.