Toll Free: मुंबईच्या प्रवेशद्वारांवर वाहनांसाठी टोलमुक्ती? सप्टेंबर २०२७ नंतर ‘एमएमआरडीए’मार्फत वसुली मनसेच्या आंदोलनाच्या पार्श्वभूमीवर टोलमुक्तीच्या मागणीने उचल खाल्ली असली तरी मुंबईत येणाऱ्या-जाणाऱ्या वाहनांना २०२७ नंतर टोलपासून मुक्तता मिळण्याची शक्यता नाही.

कारण वसुलीचे कंत्राट २०२७ मध्ये संपुष्टात आल्यानंतर मुंबईच्या प्रवेशद्वारांवर ‘एमएमआरडीए’-मार्फत टोलवसुली केली जाणार आहे. महाराष्ट्र राज्य रस्ते विकास महामंडळाकडील मुंबईच्या प्रवेशद्वारावरील टोलवसुलीचे कंत्राट 2027 मध्ये संपणार आहे. त्यामुळे मुंबईत येणाऱ्या-जाणाऱ्या वाहनांना टोल भरावाच लागणार आहे.