Viral Video : सोशल मीडियावर एक हृदय पिळवटून टाकणारा व्हिडिओ समोर आला आहे, ज्यामध्ये एक विशाल हंपबॅक व्हेल एका छोट्या बोटीवर उडी मारताना दिसत आहे. सुदैवाने, बोटीवरील सर्व लोक सुरक्षित आहेत, परंतु या दुर्घटनेतून सावरण्यात यश आलेले नाही. अमेरिकेतील मॅसॅच्युसेट्समध्ये ही भयावह घटना घडली आहे. कॅमेऱ्यात कैद झालेले हे विदारक दृश्य सध्या सोशल मीडियाच्या वेगवेगळ्या प्लॅटफॉर्मवर मोठ्या प्रमाणात व्हायरल होत आहे. व्हायरल क्लिपमध्ये महाकाय व्हेल बोटीवर उडी मारताना दिसत आहे. (trending humpback whale shocking video goes viral on social media people shocked to see)
एनबीसी न्यूजने आपल्या अहवालात हार्बरमास्टर चाड हंटरच्या हवाल्याने म्हटले आहे की, प्लायमाउथमधील व्हाईट हॉर्स बीचवर सकाळी 10 वाजता ही घटना घडली. चाड हंटरच्या म्हणण्यानुसार, बोटीवरील सर्व लोक सुरक्षित आहेत. मात्र, अपघातानंतर सर्वांनाच धक्का बसला आहे. व्हायरल होत असलेल्या व्हिडीओमध्ये अनेक छोट्या बोटींमध्ये बसलेले पर्यटक समुद्राच्या सौंदर्याचा आनंद लुटताना दिसत आहेत. त्यानंतर अचानक एक महाकाय व्हेल पाण्याच्या खोलीतून बाहेर पडतो आणि 19 फूट उंचीच्या बोटीवर उडी मारतो. सुदैवाने बोट पाण्याखाली गेली नाही, अन्यथा मोठी दुर्घटना घडू शकली असती.
हा व्हिडिओ इन्स्टाग्रामवर व्हायरलहोगने शेअर केला आहे. काही तासांपूर्वी अपलोड झालेल्या या व्हिडिओला आतापर्यंत 8 हजारांहून अधिक लोकांनी लाईक केले आहे. त्याचबरोबर अनेकांनी यावर आपापल्या प्रतिक्रिया नोंदवल्या आहेत. मात्र, व्हिडिओ पाहिल्यानंतर सर्वांनाच धक्का बसला आहे.