महाराष्ट्रात बॅग तपासण्यावरून राजकारण चांगलचं पेटल्याचं दिसत आहे. शिवसेना नेते उद्धव ठाकरे यांच्या बॅग्सची तपासणी झाल्यानंतर पंतप्रधान मोदी यांचीही बॅग तपासावी असं आव्हान केलं होतं. तसेच "आपल्या बॅगमध्ये काही नाही, हवं तर युरिन पॉट ही तपासा" असं वक्तव्य उद्धव ठाकरे यांनी केलं होतं. उद्धव ठाकरे यांना मुख्यमंत्री एकनाथ शिंदे यांनी प्रत्युत्तर देत म्हटले होते की, बॅग्स तपासा. काही पैसे सापडणार नाहीत. युरिन पॉटही सापडणार नाही." म्हणत उद्धव ठाकरे यांना डिवचलं होतं. त्यानंतर आता ठाकरेंनी पुन्हा शिंदेंना प्रत्युत्तर दिलं आहे. "त्यांच्या बॅगेत काहीच नाही, त्यांना कंटेनर लागतो" असं म्हणत ठाकरेंनी शिंदेंना टोला लगावला आहे.