जनरल मोटर्स क्लोजरप्रकरणी विरोधी पक्षनेते विजय वडेट्टीवार यांनी थेट कामगारमंत्री सुरेश खाडेंवर आरोप केला आहे. कामगारांच्या भावना समजून न घेता सुरेश खाडेंनी कंपनीला क्लोजरची मंजुरी दिल्याचा आरोप वडेट्टीवारांनी केला आहे. वडेट्टीवारांनी यासंबंधी साखळी उपोषण करणाऱ्या कामागरांची भेट घेवून त्यांच्या भावना जाणून घेतल्या आहेत.
जनरल मोटर्स क्लोजरप्रकरणी सुरेश खाडेंची भूमिका दुतोंडी सापासारखी असल्याचा आरोपदेखील विजय वडेट्टीवारांनी केला आहे. तसेच सुरेश खाडेंनी घेतलेला निर्णय हा बेकायदेशीर आहे. असा निर्णय त्यांनी का घेतला, त्यांना कोणाचा फोन आला की मलिदा मिळाला ही पहाव लागणार आहे. असेही ते म्हणाले आहेत. विधान सभेत हा प्रश्न आम्ही लावून धरू असेही विजय वडेट्टीवार यांनी सांगितल आहे.