यवतमाळ : यवतमाळच्या माईंदे चौक ते अँग्लो हिंदी हायस्कूल मार्गावर शनिवारी सकाळी पाण्याच्या प्रचंड दबावामुळे भूमिगत पाईपलाईन फुटल्याची घटना घडली. यात एक वाहनधारक तरुणी जखमी झाली. या घटनेचे सीसीटीव्ही फुटेज मिळाले असून जमिनीतून मोठा स्फोट होऊन पाणी वर उडाल्याचे त्यात दिसते आहे. महाराष्ट्र जीवन प्राधिकरण हे यवतमाळकरांच्या जीवावर उठल्याचे पुन्हा एकदा सिद्ध झाले.दरम्यान,पाण्याच्या प्रचंड दबाब असल्यामुळे घटनास्थळी दुचाकीवरून जाणारी महिला जखमी झाल्याची माहिती समोर येत आहे. या घटनेने शहरात भितीजनक वातावरण झाले आहे.