थोडक्यात बातमी वाचण्यासाठी खाली स्क्रोल करा...
सोशल मीडियावर व्ह्यूज मिळवण्याच्या नादात लोक जीव धोक्यात घालत आहेत आणि आता असाच एक धक्कादायक व्हिडिओ व्हायरल होत आहे. व्हिडिओमध्ये एक तरुण रेल्वे ट्रॅकवर जाणीवपूर्वक झोपतो आणि हाय-स्पीड ट्रेन त्याच्या अंगावरून जाताना दिसतो. सुदैवाने तरुणाचा जीव वाचला, पण या निष्काळजीपणामुळे सोशल मीडियावर संतापाची लाट उसळली आहे. नेटकऱ्यांसह हैदराबादचे पोलिस आयुक्त व्ही. सी. सज्जनार यांनीही या स्टंटला फटकारले आहे.
व्हायरल व्हिडिओमध्ये ट्रेन येण्यापूर्वी तरुण ट्रॅकवर झोपतो आणि नंतर ट्रेन त्याच्यावरून सरकते. यात तो सहीसलामत दिसतो, पण एका सेकंदाचा विलंबही जीवघेणा ठरू शकला असता. या व्हिडिओमुळे लाखो लोकांनी पाहिले असून, बहुसंख्यांनी तरुणाच्या या वागणुकीचे निंदन केले आहे. अनेकांनी पोलिसांकडून कारवाईची मागणी केली आहे.
हैदराबाद पोलिस आयुक्त व्ही. सी. सज्जनार यांनी सोशल मीडिया प्लॅटफॉर्म ट्विटरवर (@SajjanarVC) हा व्हिडिओ शेअर करत प्रतिक्रिया दिली आहे. कॅप्शनमध्ये त्यांनी लिहिले, “केवळ व्हायरल होण्यासाठी अशा गोष्टी करणे हे धाडस नाही. हे मूर्खपणाचे टोक आहे. एका सेकंदाचा विलंब जीव घेऊ शकतो. जबाबदार राहा, निष्काळजी नाही!” या पोस्टवर नेटकऱ्यांनी जोरदार प्रतिसाद दिला. एका युजरने म्हटले, “हा धोकादायक साहसी खेळ आहे. चांगले झाले सरांनी सल्ला दिला.” दुसऱ्याने लिहिले, “डिजिटल जगात खऱ्या जीवनाची किंमत विसरत आहोत.” तिसऱ्याने कारवाईची मागणी केली, “सर, काहीतरी पावल उचला.”
तज्ज्ञांचे मत आहे की, सोशल मीडियाच्या या ट्रेंडमुळे तरुणांमध्ये निष्काळजी वाढत आहे. पोलिसांनी अशा व्हिडिओ बनवणाऱ्यांवर कडक कारवाई करण्याची गरज आहे, जेणेकरून इतरांना प्रेरणा मिळणार नाही. जबाबदारीने सोशल मीडिया वापरा, असा संदेश सर्वांना देण्यात आला आहे.