The kashmir Files : 'द कश्मीर फाईल्स'ची बरोबरी करण्यात 'भूल भुलैय्या 2' यश आले का?

बॉलिवूड अभिनेता कार्तिक आर्यन(Kartik Aaryan) आणि कियारा अडवाणी(Kiara Adwani) यांच्या 'भूल भुलैया 2' या चित्रपटाला समीक्षकांकडूनच नव्हे तर प्रेक्षकांकडूनही अगदी चांगला प्रतिसाद मिळत आहे. त्यामुळे या चित्रपटाने पहिल्या वीकेंडमध्ये 50 कोटींचा गल्ला पार केला आहे. मात्र कमाईच्या बाबतीत तो अजूनही 'द काश्मीर फाइल्स' चित्रपटाच्या मागे आहे.

कार्तिक आर्यन आणि कियारा अडवाणीचा 'भूल भुलैया 2' हा चित्रपट जितका प्रेक्षकांना आवडतो तितकाच त्यांना या चित्रपटाचे बॉक्स ऑफिस कलेक्शनही जाणून घ्यायचे आहे. जिथे पहिल्या दिवशी चित्रपटाने 14.11 कोटींची कमाई केली होती. त्यानंतर दुसऱ्या दिवशी या चित्रपटाने 18.34 कोटींची कमाई केली. त्याचवेळी या चित्रपटाने रविवारी 23.51 कोटींचा व्यवसाय केला आहे. या चित्रपटाने आतापर्यंत 55.96 कोटींची कमाई केली आहे. आता जर आपण चौथ्या दिवशी चित्रपटाच्या कलेक्शनबद्दल बोललो तर रिपोर्ट्सनुसार, चित्रपटाने रिलीजच्या पहिल्या सोमवारी सुमारे 10 कोटींची कमाई केली आहे आणि जर आपण चित्रपटाच्या एकूण कलेक्शनबद्दल बोललो तर हे हा आकडा ६६ कोटींवर पोहोचला आहे.

'भूल भुलैया 2' च्या चौथ्या दिवशी म्हणजेच पहिल्या सोमवारच्या कलेक्शनच्या बाबतीत रिलीजच्या पहिल्या सोमवारी सर्वाधिक कमाई करण्याचा विक्रम दिग्दर्शक विवेक अग्निहोत्रीच्या 'द काश्मीर फाइल्स' या चित्रपटाकडे आहे. 'भूल भुलैया 2'ची 4 दिवसांची कमाई यंदाच्या हिंदी चित्रपटांमध्ये सर्वाधिक असली तरी सोमवारच्या कमाईचा विचार करता तो दुसऱ्या क्रमांकावर आहे. सोमवारी 'द काश्मीर फाइल्स'ने 15.05 कोटींची कमाई केली होती.