तुळशी केसांसाठी वरदान! 'अशा'प्रकारे वापर केल्यास केस होतील लांबसडक

Basil For Hair: त्वचेचा संसर्ग झाल्यास तुळशीचा वापर वेगवेगळ्या प्रकारे केला जातो. ही तुळस केसांसाठीही खूप फायदेशीर आहे. तुळशीच्या योग्य वापराने केस लवकर वाढतात आणि टाळू निरोगी होते. तुळशीच्या पानांमुळे केसही चमकदार होतात. तुळशीचे बॅक्टेरियाविरोधी गुणधर्म सर्वांनाच माहिती आहे. त्यामुळे डोक्यातील कोंडाही सहज दूर होतो.

ज्यांच्या टाळूला वारंवार खाज सुटते ते देखील तुळशीचा वापर करून केस निरोगी ठेवू शकतात. तुळशीमध्ये असलेले अँटिऑक्सिडंट केस निरोगी ठेवतात, त्यांची चमक लॉक करतात आणि केसांची वाढ सुधारतात. तुळशीचा वापर कसा करायचा हे फक्त तुम्हाला माहिती असेल तरच तुम्हाला हे फायदे मिळू शकतात.

अशा प्रकारे तुळस वापरा

तुळशीमध्ये वेगवेगळ्या गोष्टी मिसळून पेस्ट तयार करू शकता. ज्याचा फायदा डोक्यावर लावून घेता येतो.

तुळस आणि कांद्याचा रस

सर्वप्रथम तुळशीची पाने वाळवून त्याची पावडर बनवा. जर तुम्ही पावडर बनवू शकत नसाल तर इतकी पाने घ्या की एक मोठा चमचा पेस्ट तयार होईल. त्यात एक चमचा कांद्याचा रस घाला. आणि टी ट्री ऑईलचे दोन ते तीन थेंब घाला. हे सर्व मिसळून एक पेस्ट तयार करा. ही पेस्ट केसांच्या मुळापासून शेवटपर्यंत लावायची आहे. मग अर्धा तास थांबा. यानंतर कोमट पाण्याने आणि सौम्य शाम्पूने केस धुवा.

तुळस आणि अंडी

तुळस आणि कांद्याची पेस्ट सारखीच तुळस आणि अंड्याची पेस्ट तयार करा. फक्त लक्षात ठेवा की तुम्हाला अंड्याचा फक्त पिवळा भाग वापरायचा आहे. यामध्ये टी ट्री ऑईल देखील मिसळा. ही पेस्ट चांगली मिक्स करून केसांना लावा. पेस्ट सुकल्यावर गरम पाण्यात टॉवेल भिजवून डोक्यावर ठेवा आणि वाफ घ्या. यानंतर आपले डोके सौम्य शैम्पूने धुवा.