Crime News: नात्याला काळीमा फासणारी घटना, शिक्षकाकडून अल्पवयीन विद्यार्थिनीवर लैंगिक अत्याचार
बुलढाणा जिल्ह्याच्या नांदुरा तालुक्यातील एका गावात राहणाऱ्या अल्पयीन विद्यार्थिनीला पॉलिटेक्निक अभ्यासक्रमाच्या काही नोट्स आहेत त्या देतो आणि प्रॅक्टिकलचे मार्क वाढवून देतो, असे सांगून मलकापूर येथे बोलवून तिच्यावर शिक्षकाने लैंगिक अत्याचार करण्याची खळबळजनक घटना घडली आहे.
गंभीर बाब म्हणजे या कटात पीडित मुलीची मैत्रीण देखील सामील असल्याचे समोर आले. अत्याचाराची माहिती कुणाला दिल्यास हा व्हिडिओ समाज माध्यमावर व्हायरल करून आई-वडिलांना जिवानिशी मारून टाकू अशी धमकी नराधम शिक्षकांनी विद्यार्थिनीला दिली. मात्र शिक्षक वारंवार शरीर सुखाची मागणी करत असल्याने पीडित मुलीने पालकांना संपूर्ण प्रकार सांगितला. पालकांसोबत जाऊन पीडित मुलीने मलकापूर शहर पोलीस ठाण्यात दिलेल्या फिर्यादीवरून आरोपी शिक्षकाविरोधात लैंगिक अत्याचार, पोस्को यासह विविध कलमान्वये गुन्हा दाखल केला असून त्याला अटक करण्यात आली आहे.
या प्रकरणात नराधम शिक्षकाला मदत करणाऱ्या एका अल्पवयीन मुलीचा हा गुन्हा आरोपी म्हणून समावेश करण्यात आला आहे. ही घटना सामाजिकदृष्ट्या गंभीर असून शिक्षणसंस्थांमधील मुलींच्या सुरक्षिततेवर प्रश्नचिन्ह निर्माण करत आहे. स्थानिक समाजात या घटनेने खळबळ उडाली असून संबंधित प्रशासन आणि पोलीस यंत्रणा तातडीने कारवाई करत आहेत.
पीडित व त्याच्या कुटुंबीयांना न्याय मिळावा आणि अशा प्रकारच्या घटनांना प्रतिबंध होण्यासाठी कठोर उपाययोजना होणे आवश्यक आहे, असे स्थानिक नेते व अधिकारी म्हणतात. आरोपी शिक्षकाच्या अटकेनंतर पुढील तपास पोलीस करत असून, शाळा आणि सामाजिक संस्थांनीही मुलींचे रक्षण करण्यासाठी जागरूकता वाढविणे आवश्यक असल्याचे दिसून येते.
