RRR ने पुन्हा इतिहास रचला! ऑस्करपूर्वी 'या' हॉलीवुड अवॉर्डवर कोरले नाव
दिग्दर्शक एसएस राजामौली यांच्या आरआरआर चित्रपटाचा डंका संपूर्ण हॉलिवूडमध्ये वाजत आहे. या चित्रपटाला ऑस्कर 2023 च्या नामांकन यादीत स्थान मिळाले आहे. परंतु, त्याआधी आरआरआरने इतर अवॉर्ड शोमध्ये जलवा दाखवला आहे. या चित्रपटाने हॉलिवूडचा आणखी एक प्रतिष्ठित पुरस्कार पटकावला आहे.
हॉलिवूड क्रिटिक्स असोसिएशन अवॉर्ड्स म्हणजेच एचसीए फिल्म अवॉर्ड्स 2023 मध्ये आरआरआरने तीन मोठे पुरस्कार जिंकून इतिहास रचला आहे. सर्वोत्कृष्ट अॅक्शन फिल्म, सर्वोत्कृष्ट स्टंट, सर्वोत्कृष्ट आंतरराष्ट्रीय चित्रपट आणि सर्वोत्कृष्ट नाटू नाटू गाण्यासाठी एचसीए चित्रपट पुरस्कार देण्यात आला आहे. या पुरस्कार सोहळ्यात दिग्दर्शक राजामौली आणि मेगा पॉवर स्टार राम चरण उपस्थित होते. या कार्यक्रमाचा एक व्हिडिओही समोर आला आहे.
राम चरण यांनी हॉलिवूड क्रिटिक्स असोसिएशन पुरस्कार 2023 मध्ये हा पुरस्कार प्रदान केला. सादरकर्त्यांच्या यादीतील ते एकमेव भारतीय अभिनेता होते. आरआरआर चित्रपटाला एचसीए फिल्म अवॉर्ड्समध्ये सर्वोत्कृष्ट दिग्दर्शक, सर्वोत्कृष्ट अॅक्शन फिल्म, सर्वोत्कृष्ट स्टंट, सर्वोत्कृष्ट गाणे, सर्वोत्कृष्ट संपादन, सर्वोत्कृष्ट आंतरराष्ट्रीय चित्रपट श्रेणीत नामांकन मिळाले होते.
याशिवाय हॉलिवूड चित्रपट एव्हरीथिंग एव्हरीव्हेअर ऑल अॅट वन्सला एचसीए फिल्म अवॉर्ड्स 2023 मध्ये सर्वाधिक नामांकन मिळाले. या चित्रपटाला सर्वोत्कृष्ट संपादनाचा पुरस्कार मिळाला. तसेच, चित्रपटाचा अभिनेता के हुई क्वान याला सर्वोत्कृष्ट सहाय्यक अभिनेत्याचा पुरस्कार मिळाला. तर, सर्वोत्कृष्ट व्हिज्युअल इफेक्ट्ससाठी अवतार : वे ऑफ वॉटर, टॉपगन मॅव्हरिकसाठी सर्वोत्कृष्ट आवाज, दिग्दर्शक गिलेर्मो डेल टोरोच्या पिनोचिओसाठी सर्वोत्कृष्ट अॅनिमेटेड वैशिष्ट्य, नेटफ्लिक्सच्या ग्लास ओनियनसाठी सर्वोत्कृष्ट कॉमेडी आणि ब्लॅक फोनसाठी सर्वोत्कृष्ट हॉरर फिल्म पुरस्कार प्राप्त झाला.
