बेळगावला अवकाळीनं झोडपलं; झाड पडल्यानं वाहनं चक्काचूर

बेळगाव प्रतिनिधी | नंदकिशोर गावडे : बेळगावला (Belagavi) आज अवकाळी पावसाचा (Heavy Rain) जोरदार तडाखा बसला. शहरात अनेक भागांत झालेल्या पावसानं मोठा हैदोस घातला. वादळीवाऱ्यासह आलेल्या पावसाने शहरातील अनेक झाडं कोसळली. यामुळे अनेक वाहनांचं नुकसान झालं आहे.

वादळी पावसात अनेक झाडं कोसळली. यामध्ये 25 दुचाकी झाडांखाली दबल्याने लाखो रुपयांचं नुकसान झालं. या घटनेत एकाचा दुर्दैवी मृत्यू देखील झालेला आहे. बेळगाव मधील सिव्हिल हॉस्पिटल रोड वरील ही घटना घडली.

पाऊस व वारा सुरु असताना अचानक रस्त्यानजिक असणारं झाड कोसल्याने जवळपास 25 ते 30 दुचाकीचं नुकसान झाले. यामध्ये एकाचा मृत्यू झाल्याची माहिती समोर येतेय. त्यामुळे आता अवकाळी पावसाच्या पार्श्वभूमीवर नागरिकांनी सतर्क राहण्याची आवश्यकता आहे.