Dhurandhar Movie Teaser Out : रणवीर सिंगचा रावडी लूक; 'धुरंधर'च्या टीझरनं वाढवली चाहत्यांची उत्सुकता

बॉलीवूड अभिनेता रणवीर सिंग यानं आज त्याच्या वाढदिवसा दिवशी खास गिफ्ट त्याच्या चाहत्यांना दिला आहे. रणवीरचा आगामी चित्रपट 'धुरंधर'च्या निर्मात्यांनी या निमित्त चित्रपटाचा टीझर प्रदर्शित केला आहे. त्याने इंटरनेटवर धुमाकूळ घातला आहे. चित्रपटाची सुरुवात रणवीर चालताना आणि चित्रपटात काम करणाऱ्या आर. माधवनच्या आवाजाने होते.

रणवीरचा लूक चाहत्यांना रणबीर कपूरच्या 'अ‍ॅनिमल' चित्रपटाची आठवण करून देईल, पण तो येथे एक प्रभाव पाडण्यासाठी आला आहे. विनोदाच्या ट्विस्टसह तीव्र अ‍ॅक्शन, त्याचा खडबडीत अवतार आणि सर्व कलाकारांचे लूक या सगळ्याने चाहत्यांना थक्क केले आहे. आकर्षक पंजाबी संगीत या प्रोमोचं आकर्षण आणखी वाढवते. रणवीर चित्रपटात एका गुप्तहेराची भूमिका साकारत असल्याचे म्हटले जाते. चित्रपटातील इतर कलाकारांमध्ये आर. माधवन, संजय दत्त, अर्जुन रामपाल, अक्षय खन्ना यांचा समावेश असून त्यांच्याही लूकनं सर्वांच लक्ष वेधलं आहे.

चित्रपटात रणवीरचा एक संवाद आहे, तो म्हणतो, 'मै घायल हूं इसिलिए घातक हूं', ही आठवण तुम्हाला सनी देओलच्या ढाई किलो का हाथ अवतार आणि शक्तिशाली मोडमध्ये घेऊन जाते. शिवाय घायल आणि घातक हे दोन्ही सनी देओलच्या चित्रपटांची नावंदेखील आहेत. त्यामुळे प्रेक्षकांना आणखीनच धुरंधर चित्रपट पाहण्याची उत्सुकता वाढली आहे.

हेही वाचा