राज ठाकरे जागतिक स्तरावर छत्रपती शिवाजी महाराजांवर चित्रपट बनवणार, महाराजांची भूमिका कोण साकारणार पाहा?
‘लोकमत’च्या पुरस्कार सोहळ्यात आज मनसे अध्यक्ष राज ठाकरे यांची मुलाखत पार पडली. विशेष म्हणजे ही मुलाखत राष्ट्रवादी काँग्रेसचे खासदार अमोल कोल्हे आणि उपमुख्यमंत्री देवेंद्र फडणवीस यांच्या पत्नी अमृता फडणवीस यांनी घेतली.
यावेळी यावेळी अमृता फडणवीस यांनी राज ठाकरे यांना त्यांच्या आत्मचरित्रावर आधारित चित्रपट बनवला तर कुणाला मुख्य भूमिकेत साकारताना पाहायला आवडेल? असा प्रश्न विचारला.
यावर उत्तर देताना राज ठाकरे म्हणाले की, बायोपिकसाठी त्या प्रकारचं व्यक्तीमत्व लागतं. इंदिरा गांधी, अमिताभ बच्चन, लता दिदी यांच्यावर बायोपिक करता येईल. असे ते म्हणाले. तसेच राज ठाकरे यांनी आपण छत्रपती शिवाजी महाराज यांच्याविषयी आपण चित्रपट बनवत असल्याचं सांगितले.
यावर अमोल कोल्हे यांनी प्रश्न विचारला की, शिवाजी महाराजांची भूमिका कोण साकारेल? यावर राज ठाकरे म्हणाले की, आंतरराष्ट्रीय दर्जाचा हा चित्रपट असेल. आंतरराष्ट्रीय दर्जावरचेच लोकं या चित्रपटात काम करतील. चित्रपटाचं काम सुरु झालं आहे. लिखाणाचं काम सुरु झालं. हा चित्रपट तीन भागात येईल. असे राज ठाकरे म्हणाले.