बॉलिवूड अभिनेता रणवीर सिंग (Ranveer Singh) स्त्री भ्रूणहत्येवर (Female Foeticide) चित्रपट घेऊन येत आहे. ‘जयेशभाई जोरदार’ (Jayeshbhai Jordaar ) हा चित्रपट 13 मे 2022 रोजी रिलीज होणार आहे. या चित्रपटाचा ट्रेलर नुकताच लाँच करण्यात आला. या चित्रपटात अभिनेत्री शालिनी पांडे (Shalini Pandey) रणवीर सिंगच्या पत्नीची भूमिका साकारणार आहे.
शालिनी पांडेचा हा पहिला बॉलिवूड चित्रपट आहे. शालिनी पांडेला खरी प्रसिद्धी विजय देवराकोंडा (Vijay Devarakonda) यांच्या ‘अर्जुन रेड्डी’ (Arjun Reddy) या चित्रपटातून मिळाली.याशिवाय ती तेलुगु चित्रपट आणि Zee5 च्या हिंदी चित्रपट 'बमफड' (Bamfaad) मध्ये देखील दिसली आहे.
ट्रेलर लॉन्च इव्हेंट दरम्यान,शालिनीने सांगितले की, तिच्यासाठी अभिनेत्री बनणे इतके सोपे नव्हते. त्यासाठी तिला घरातून पळून जावे लागल्याचा खुलासा मीडियासमोर केला.
तिच्या वडिलांची इच्छा होती की तिने इंजिनीअरिंग करावी. शालिनीने सांगितले की, तिने तिच्या वडिलांना हे पटवून दिले की तिला जवळपास चार वर्षे अभिनय करायचा आहे. पण वडिलांना ते मान्य नव्हते. शेवटी, शालिनीने घरातून पळून जाण्याचा निर्णय घेतेला. शालिनीने सांगितले की, आता तिच्या कुटुंबीयांनी तिच्यावरील नाराजी दूर केली आहे.