जम्मू-काश्मिरमधील (Jammu-Kashmir)दहशतवादाचा नायनाट करण्यासाठी भारतीय सुरक्षा दलांनी (indian security forces) मोठी कारवाई सुरु केली. त्यात सुरक्षा दलाला चांगले यश मिळाले आहे. सुरक्षा दलांनी 4 दहशतवाद्यांचा (terrorists)खात्मा केला आहे.
मिळालेल्या माहितीनुसार, सुरक्षा दलांनी सुमारे 4-5 भागात संयुक्त कारवाई सुरू केली होती. यामध्ये भारतीय सुरक्षा दलांनी 4 दहशतवाद्यांचा खात्मा केला आहे. दुसरीकडे, गांदरबल जिल्ह्यातील काउबाग नान्नर भागात दहशतवादी आणि सुरक्षा दलांमध्ये चकमक झाली. यामध्ये 2 दहशतवादी अडकल्याची माहिती समोर येत आहे. शुक्रवार-शनिवारी मध्यरात्री सुरक्षा दलांनी जम्मू-काश्मीरमधील अनेक भागात मोठी कारवाई केली. पुलवाला येथे लष्करी कारवाईत जैश-ए-मोहम्मदचे दोन दहशतवादी मारले गेले. तर गांदरबल आणि हंदवाडा येथे लष्कराचा एक दहशतवादी मारला गेला. काश्मीरच्या आयजींनी सांगितले की, आम्ही काल रात्री 4-5 ठिकाणी संयुक्त कारवाई सुरू केली होती. रात्रीपासून चकमक सुरू आहे. गंदरबल जिल्ह्यातील काउबाग नान्नर भागात दोन दहशतवादी अडकले आहेत. त्याचबरोबर अन्य काही ठिकाणीही लष्करी कारवाई सुरू आहे. काश्मीरमध्ये 3 चकमकीत 4 दहशतवादी मारले गेले आहेत. पुलवामा येथे दोन, गांदरबल आणि हंदवाडा येथे प्रत्येकी एक दहशतवादी मारला गेला आहे.