ठाणे : नववर्षाच्या पुर्वसंध्येला ठाण्यात पोलिसांनी मोठी कारवाई केली आहे. येथे एक रेव्ह पार्टीचे आयोजन करण्यात आले होते. या पार्टीमध्ये पोलिसांनी धाड टाकून सुमारे 96 तरुणांना ताब्यात घेतले आहे. पार्टीतील गांजा, चरस यासारखी अंमली पदार्थ जप्त करण्यात आली आहेत.
माहितीनुसार, ठाणे शहरापासून काही अंतरावर असलेल्या वडवली गावातील जंगलात रेव्ह पार्टीचे आयोजन केले होते. ३१ डिसेंबरच्या आदल्या रात्रीच रेव्ह पार्टीचे आयोजन करण्यात आले होते. यावर ठाणे पोलिसांनी छापा टाकत ९६ तरुणांना ताब्यात घेतले आहे. या सर्वांची वैद्यकीय चाचणी केली जाणार असल्याचे पोलिसांनी सांगितले आहे. या पार्टीदरम्यान गांजा आणि २६ एलएसडी डॉट पोलिसांनी जप्त केले आहे.