आज अर्थसंकल्प सादर होणार आहे. याकडे सर्वांचे लक्ष लागले आहे. अर्थमंत्री निर्मला सितारमण आज 1 फेब्रुवारी 2024 रोजी अर्थसंकल्प सादर करणार आहेत. मोदी सरकारच्या दुसऱ्या कार्यकाळातील संसदेचे अखेरच्या अधिवेशनाला सुरुवात झाली आहे.
लोकसभेच्या पार्श्वभूमीवर मोठ्या घोषणा होण्याची शक्यता वर्तवण्यात येत आहेत. तसेच बजेटमध्ये नोकरदारांना दिलासा मिळण्याची शक्यता आहे. अर्थमंत्री निर्मला सितारमण या अर्थसंकल्पानंतर पत्रकार परिषद घेणार आहेत. दुपारी चार वाजता ही पत्रकार परिषद होणार आहे.
मोदी सरकारच्या दुसऱ्या कार्यकाळातील अखेरचे बजेट असणार असून मोदी सरकारच्या अर्थसंकल्पात महिलांसाठी काही खास घोषणा होण्याची शक्यता आहे. जनतेच्या मोठ्या अपेक्षा या अर्थसंकल्पाकडून आहेत. अर्थसंकल्पात सर्वसामान्यांना दिलासा देणाऱ्या अनेक गोष्टींच्या घोषणा होण्याची शक्यता आहे.