मुंबई : शिवसंग्रामचे नेते विनायक मेटे यांचे आज अपघातात निधन झाले. या प्रकरणाला आता नवे वळण लागले आहे. कार चालक एकनाथ कदम यांच्याविरोधात सदोष मनुष्यवधाचा गुन्हा दाखल करण्यात आला आहे. राज्य सीआयडीने कलम 304 अंतर्गत गुन्हा दाखल केला आहे.
विनायक मेटे अपघात प्रकरणी सीआयडीने सखोल चौकशी करत होती. यानुसार विनायक मेटे यांची कार ज्या महामार्गावरुन गेली तेथील सीसीटीव्ही कॅमेऱ्याचं फूटेज सीआयडीने तपालसे. याशिवाय तज्ज्ञांची एक समिती तयार करून त्यांच्याकडूनही मते घेण्यात आली. या समितीत आयआरबीचे अभियंता आणि इतरांचा समावेश होता. सीआयडीने पाहिलेल्या सीसटीव्ही फूटेजमध्ये कार चालक ताशी 120 ते 140 किमी वेगाने गाडी चालवत असल्याचं दिसत होतं.
तसेच, अपघात होण्याआधी चालक एकनाथ कदमने ओव्हरटेक करण्याचा प्रयत्न केला होता. आपल्याला ओव्हरटेक करता येणार नाही हे माहित असूनही त्याने ओव्हरटेक केला आणि त्याचा परिणाम म्हणून भीषण अपघात घडला. सीआयडीच्या तपासात या बाबीसमोर आल्यानंतर त्यांनी रसायनी पोलिसांमध्ये विनायक मेटे यांच्याविरोधात सदोष मनुष्यवधाचा गुन्हा दाखल केला असून लवकरच चालकाला ताब्यात घेण्यात येणार आहे.
दरम्यान, विनायक मेटे यांच्या गाडीला 14 ऑगस्ट रोजी पहाटे पाच वाजता मुंबई-पुणे महामार्गावर भीषण अपघात झाला. त्यांना नवी मुंबईतील एमजीएम रुग्णालयात दाखल केले. परंतु, डॉक्टरांनी विनायक मेटे यांना मृत घोषित केले होते. विनायक मेटे यांच्या निधनानंतर राज्यभरातून त्यांना श्रध्दांजली वाहण्यात आली.