थोडक्यात बातमी वाचण्यासाठी खाली स्क्रोल करा...

केंद्रीय अर्थसंकल्प 2026-27 सादर करण्याच्या तारखेबाबत संभ्रम निर्माण झाला आहे. 2017 पासून दरवर्षी 1 फेब्रुवारी रोजी सकाळी 11 वाजता अर्थसंकल्प सादर करण्याची परंपरा आहे. मात्र 1 फेब्रुवारी 2026 हा दिवस रविवार असल्याने त्या दिवशी बजेट सादर होणार की नाही, याबाबत चर्चा सुरू आहे.

रविवारी सरकारी कार्यालये आणि शेअर बाजार बंद असतात. तसेच 1 फेब्रुवारी रोजी संत रविदास महाराज जयंती असल्याने सार्वजनिक सुट्टी आहे. त्यामुळे केंद्र सरकार अर्थसंकल्पाची तारीख बदलू शकते, अशी शक्यता वर्तवली जात आहे. 1 फेब्रुवारीच्या आधी 31 जानेवारी 2026 हा शनिवार येत आहे. त्यामुळे त्या दिवशी अर्थसंकल्प सादर केला जाऊ शकतो, अशी चर्चा आहे. दुसरीकडे 2 फेब्रुवारी 2026 हा सोमवार असल्याने त्या दिवशी शेअर बाजार आणि शासकीय कामकाज सुरू असते. त्यामुळे 2 फेब्रुवारी रोजी बजेट सादर होण्याचीही शक्यता आहे.

यापूर्वीही शनिवारी अर्थसंकल्प सादर करण्यात आला आहे. 2015 आणि 2016 मध्ये तत्कालीन अर्थमंत्री अरुण जेटली यांनी शनिवारीच बजेट मांडले होते. 2025 मध्ये 1 फेब्रुवारी हा शनिवार असल्याने त्या दिवशी अंतरिम अर्थसंकल्प सादर करण्यात आला होता.