जळगाव प्रतिनिधी | मंगेश जोशी : गाडी पार्क करत असताना अनेकदा अंदाज न आल्याने अपघात घडल्याचे आपण पाहतो. अशीच एक घटना जळगावमधून समोर आली आहे. जळगाव जिल्ह्यातील खेडी परिसरातील पेट्रोल पंपावर कंटेनर पार्क करत असताना झालेल्या अपघाताचा व्हिडिओ (Jalgaon Truck Accident Video) सध्या सोशल मीडियावर व्हायरल होतोय.

कंटेनर पार्क करत असाना ते डीपीला धडकल्याने डीप चा स्फोट झाला. यावेळी वीज प्रवाह कंटेनरमध्ये उतरून विजेचा जोरदार धक्का लागल्याने कंटेनर चालक जागीच ठार झाला आहे. जगदीश सिंह बोरा असं या ठार झालेल्या कंटेनर चालकाचं नाव होतं.

दरम्यान, घटनेची माहिती मिळताच एम.आय.डी.सी. पोलिसांनी घटनास्थळी दाखल होऊन पंचनामा केला. चालकाच्या खिशातील आधार कार्ड वरून त्याची ओळख पटली असून पोलिसांनी मृतदेह ताब्यात घेत जिल्हा रुग्णालयात हलवला आहे.