पोटात आणि छातीत जळजळ होणे, घशात आंबटपणा येणे, उचकी लागणे, डोकं दुखणं ही सगळी ॲसिडिटीची लक्षणे असू शकतात. वाढता ताण, चुकीची आहारशैली, अनियमित जेवणाच्या वेळा आणि झोपेचा अभाव यामुळे बहुतांश लोकांना ही समस्या जाणवते. मात्र काही सोप्या आणि प्रभावी घरगुती उपायांमुळे आपण औषधांशिवायही या त्रासावर मात करू शकतो.

ॲसिडिटी म्हणजे काय?

ॲसिडिटी ही पचनसंस्थेतील एक सामान्य समस्या आहे. जेव्हा पोटात असलेलं आम्ल अन्ननलिकेतून वर येतं, तेव्हा छातीत जळजळ होते. जर हे वारंवार होत राहिलं, तर ते Gastroesophageal रेफलक्स disease चं रूप धारण करू शकतं.

औषधं न घेता आराम मिळवण्यासाठी घरगुती उपाय

थंड दूधामध्ये नैसर्गिक अँटॅसिड घटक असतात. यामुळे पोटातील आम्ल कमी होतं. एक ग्लास थंड दूध (साखर न घालता) थोड्याथोड्या अंतराने प्या.

तुळस ही अन्नपचन सुधारण्यास आणि गॅसेस कमी करण्यास मदत करते. ५–७ ताजी तुळशीची पानं चावून खा किंवा तुळशीचा काढा प्या.

लिंबूमध्ये आम्ल असलं तरी शरीरात अल्कलाइन क्रिया होते. अर्धा लिंबू गरम पाण्यात पिळा आणि रिकाम्या पोटी प्या.

ओवा पचनासाठी उत्तम असतो. एक चमचा ओवा आणि एक कप पाणी उकळून गाळून घ्या, त्यात चिमूटभर काळं मीठ घालून प्या.

आलं अँटी-इन्फ्लेमेटरी असून पचनक्रिया सुधारते. अर्धा चमचा आल्याचा रस घ्या, एक चमचा मध घाला, हे दिवसातून दोनदा घ्या.

केळं पोट शीतल ठेवतं आणि आम्लता कमी करतं. दिवसातून एकदा पक्कं केळं खा.

बडीशेप पचनतंत्राला मदत करते आणि गॅसेस कमी करते. जेवणानंतर थोडी बडीशेप खा किंवा बडीशेपचं पाणी बनवा.

जेवणानंतर गरम पाणी पिणं अन्नपचनासाठी उपयोगी ठरतं.

हे पदार्थ टाळा

1. मसालेदार, तळलेले पदार्थ

2. फास्ट फूड व कोल्ड ड्रिंक्स

3. जास्त प्रमाणात चहा-कॉफी

4. रात्री उशिरा जेवण

5. रिकाम्या पोटी उपवास

हेही वाचा