गेल्या काही दिवसांपासून राज्यात हनुमान चालिसाच्या मुद्द्यांवरुन हाय व्होलटेज ड्रामा सुरु आहे. मुख्यमंत्री आणि शिवसेनेचे पक्षप्रमुख उद्धव ठाकरे (uddhav thackeray)यांचं निवासस्थान असलेल्या 'मातोश्री'समोर आज अमरावतीच्या खासदार नवनीत राणा (Navneet Rana) आणि आमदार रवी राणा हनुमान चालिसा पठण करणार आहेत. सकाळी नऊ वाजता दोघे पती-पत्नी मातोश्री समोर येणार आहेत. त्यामुळे काल (शुक्रवार) पासूनच मातोश्रीवर शिवसैनिकांनी गर्दी केली आहे.

नवनीत राणांनी दिलेल्या आव्हानानंतर शिवसैनिक आक्रमक झाले आहे. त्यांनी कालपासून मातोश्री बाहेर पाहरा ठेवला आहे. रात्रभर शिवसैनिक पाहरा देत होते. त्यातच मोहित कंबोज यांच्या गाडीवर हल्ला करण्यात आला. दरम्यान पोलिसांनीही राणा दाम्पत्यांनी या ठिकाणी येऊ नये, त्यामुळे कायदा आणि सुव्यवस्थेची परिस्थिती निर्माण होऊ शकते, असं पोलिसांनी सांगितलं आहे. तर दुसरीकडे राणा दाम्पत्य आपल्या भूमिकेवर ठाम आहेत. त्यामुळे आज काय घडणार याकडे सर्वांचं लक्ष आहे.