आमदार नितीन देशमुख यांची जल संघर्ष यात्रा पोलिसांनी रोखली असून त्यांना ताब्यात घेण्यात आले आहे. जोपर्यंत पाणीप्रश्न सुटत नाही तोपर्यंत आंदोलन करत राहणार असल्याचे देशमुख म्हणाले. अकोला ते नागपूर त्यांनी पायीं पदयात्रा काढली होती. ते आज नागपूर मध्ये दाखल होणार होते. त्या आधी त्यांना नागपूर पोलिसांनी त्यांना ताब्यात घेतलं आहे. ही यात्रा काढण्यापूर्वी पोलिसांची परवानगी घेतली नसल्याचं पोलिसांचं म्हणणं आहे.

इतर आंदोलकांनी रस्त्यावरच ठिय्या आंदोलन सुरू केलं. त्यानंतर देशमुख हे जमिनीवर झोपले. मात्र, काही पोलिसांनी देशमुख यांचे हात तर काहींनी पाय पकडून त्यांना उचलून नेले.