मुंबई : राज्यात सुरु असलेल्या एसटी कर्मचाऱ्यांच्या (MSRTC Strike) आंदोलनाचा मुद्दा सध्या चिघळलेला दिसत आहे. एसटी कर्मचाऱ्यांच्या एका गटाने आज ज्येष्ठ नेते शरद पवार (Sharad Pawar) यांच्या सिल्व्हर ओक (Silver Oak) निवासस्थानी जाऊन घोषणाबाजी केली. यावेळी तोकडा पोलीस बंदोबस्त असल्याने आक्रमक आंदोलकांनी थेट गेट तोडून मध्ये जात घराच्या परिसरात गोंधळ घातला. त्यानंतर आता याप्रकरणी धक्कादायक माहिती समोर येतेय.

शरद पवार यांच्या सिल्व्हर ओक निवासस्थानी एसटी कर्मचाऱ्यांनी केलेल्या आंदोलनानंतर राज्यातील राजकीय वातावरण ढवळून निघालं आहे. आंदोलक कर्मचाऱ्यांनी घोषणाबाजी, चप्पलफेक आणि दगडफेक करत आंदोलकांनी सिल्व्हर ओकमध्ये गोंधळ घातला. त्यानंतर आता या आंदोलनात काहीजण मद्यधुंद अवस्थेत असल्याचं समोर येतंय. त्यामुळे या आंदोलनात नेमकं कोण सहभागी होतं? हा प्रश्न निर्माण झाला आहे.