किरीट सोमैया यांच्या व्हिडिओ प्रकरणी मुंबई पोलिसांनी 'लोकशाही' चॅनलच्या संपादकांविरोधातच गुन्हा दाखल केला आहे. याचा सर्वच स्तरातून निषेध व्यक्त केला जात आहे. तर, राजकीय वर्तुळातूनही यावर प्रतिक्रिया उमटत आहे.
याच पार्श्वभूमीवर आता मुंबई पोलिसांनी लोकशाही वृत्तवाहिनीचे मुख्य संपादक कमलेश सुतार यांच्या विरोधात एफआयआर नोंदवल्या नंतर भारत राष्ट्र समितीचे किसान सेलचे अध्यक्ष माणिक कदम आणि स्वाभिमानी शेतकरी संघटनेचे जिल्हाध्यक्ष किशोर ढगे यांनी तीव्र शब्दात निषेध करून गुन्हा रद्द करण्याची मागणी केलीय. गुन्हा रद्द केला नाही तर रस्त्यावर उतरू असा इशारा दिला आहे.