train accident : चट्टोग्राम जिल्ह्यातील मिरशराई उपजिल्हामधील लेव्हल क्रॉसिंगवर रेल्वे आणि पर्यटक मायक्रोबस यांच्यात झालेल्या धडकेत 11 जण ठार तर सहा जखमी झाले. प्रत्यक्षदर्शींच्या म्हणण्यानुसार, काही पीडितांनी कथितरित्या रेल्वे रुळ ओलांडण्यासाठी बॅरिकेड काढले कारण गेटमनने शुक्रवारची "जुम्मा नमाज" करण्यासाठी त्यांना सोडले. बांगलादेश रेल्वे प्राधिकरणाने स्थापन केलेल्या दोन समित्यांद्वारे आपत्तीची चौकशी केली जात आहे. (train hits microbus in bangladesh chattogram 11 killed sc57)

पाच सदस्यीय समितीचे अध्यक्ष बांगलादेश रेल्वेचे पूर्व विभागीय परिवहन अधिकारी अन्सार अली आहेत, तर अतिरिक्त मुख्य अभियंता अरमान हुसैन यांच्या प्रमुखासह चार सदस्यीय समितीची स्थापना करण्यात आली आहे.

चट्टोग्राम रेल्वे पोलीस प्रमुख नाझिम उद्दीन यांनी सांगितले की, लेव्हल क्रॉसिंगवर दोन तात्पुरते गेटमन होते. यातील सद्दाम हुसेन हा घटना घडली तेव्हा काम करत होता, त्यामुळे पोलिसांनी त्याला चौकशीसाठी ताब्यात घेतले आहे.

बांग्लादेश रेल्वेचे पूर्व विभागाचे महाव्यवस्थापक जहांगीर आलम यांनी अपघातस्थळी भेट दिली आणि सांगितले की, "मी गेटमनशी बोललो आणि त्याने दावा केला की तो अपघाताच्या वेळी उपस्थित होता." रेल्वे अधिकाऱ्यांनी सांगितले की, गेटमन सद्दामने लेव्हल क्रॉसिंगवर बॅरिकेड खाली केले होते, पण मायक्रोबसने तो तोडला.

शुक्रवारी दुपारी दीडच्या सुमारास ढाकाहून चितगावला जाणाऱ्या ‘महानगर प्रोवती’ ट्रेनने चितगावच्या बाहेरील खोईछोरा लेव्हल क्रॉसिंगवर एका पर्यटक मायक्रोबसला धडक दिली आणि बारा टाकिया स्थानकाजवळ सुमारे एक मैल खेचून नेली.