नंदुरबार (प्रशांत जव्हेरी) :

नंदुरबारमध्ये (Nandurbar) राहत असलेल्‍या ठिकाणावरून दुसऱ्या पाड्यावरील दुकानात सामान घेण्यासाठी जाताना ही घटना घडली. नदी ओलांडताना तीन चिमुकल्यांचा खोल खड्यात बुडून मृत्यू झाल्‍याची हृदयद्रावक घटना घडली आहे. ही घटना बुधवारी (१५ जून) दुपार घडली. याबाबत रात्री उशिरा तक्रार दाखल झाली. या घटनेमुळे परिसरात खळबळ उडाली आहे. (unfortunate death of three children while crossing the river in Nandurbar)

धडगाव तालुक्यातील कुंडलचा मालपाडा येथे वास्‍तव्‍यास असलेले तीन चिमुकले आईने सांगितलेले सामान आणण्यासाठी दुसऱ्या पाड्यावरील किराणा दुकानात जात होते. या दरम्‍यान देवानंद नदी ओलांडताना तीन चिमुकल्यांचा मृत्यू झाला. नदीतील पाण्यात खोल खड्यात बुडून तिघांचा मृत्यू झाला. निलेश दीलवर पाडवी (वय 4), मेहेर दिलवर पाडवी (वय 5) आणि पार्वती अशोक पाडवी (वय 5) अशी या मुलांची नावं आहेत.