मागील दोन महिने आयपीएल सामन्यामध्ये व्यस्त असलेली भारतीय संघ पुन्हा एकदा आंतरराष्ट्रीय टी-20 सामने खेळण्यासाठी सज्ज झाले आहेत. आंतरराष्ट्रीय टी 20 (T20) सामने 9 जूनपासून भारत (India) विरूद्ध दक्षिण आफ्रिका (South Africa) अशी लढत असणार आहे. या सामन्यासाठी दक्षिण आफ्रिकेचा संघ नवी दिल्ली येथे पोहचला आहे. मायदेशामध्ये होणाऱ्या टी- 20 सामन्यासाठी भारताच्या सिनियर खेळाडूंना विश्रांती दिली असून युवा खेळाडूंना संधी देण्यात आली आहे. भारतीय संघाची जबाबदारी के एल राहूलवर सोपवली आहे.

भारत विरूद्ध दक्षिण आफ्रिका हा पहिला सामना दिल्लीमधील (Delhi) अरूण जेटली स्टेडियमवर (Arun Jaitley Stadium) खेळला जाणार आहे. भारतीय संघाने सलग 12 टी 20 सामने जिंकण्याचा विजय मिळवला असून आता परत टी 20 सामना जिंकून एक खास विक्रम आपल्या नावावर करता येणार आहे.

भारतीय संघाने अनेक युवा खेळाडूंना संधी देण्यात आली असून अनुभवी खेळाडूंना विश्रांती दिली गेली आहे. यामध्ये विराट कोहली आणि रोहित शर्मा यांच्या अनुपस्थितीमध्ये केएल राहुल भारतीय संघाचे कर्णधारपद सांभाळणार आहे.