काँग्रेस आमदार रवींद्र धंगेकरांनी आपल्या बॅनरवर दिवंगत गिरीश बापटांचा फोटो वापरल्याने आता राजकारण तापलंय. बापटांचा फोटो वापरण्यावरून भाजप-शिवसेनेने रवींद्र धंगेकरांवर जोरदार हल्लाबोल केलाय. गिरीश बापटांचा फोटो वापरणे दुर्दैवी असून त्याचा निषेध करतो अशी प्रतक्रिया गिरीश बापटांचा मुलगा गौरव बापट यांनी दिलीय. तर फोटोतून गिरीश बापट सांगत असतील की धंगेकरांना मतदान करू नका असा टोला शिवसेना नेत्या नीलम गोऱ्हे यांनी लगावलाय. निकालाच्या दिवशी धंगेकरांना फोटोजवळ बसून अश्रू ढाळावे लागतील असा टोला नीलम गोऱ्हे यांनी लगावलाय.