Bandra West: वांद्रे येथे भाजपच्या वतीने पदयात्रेचे आयोजन, मंत्री आशिष शेलार यांची उपस्थिती

थोडक्यात बातमी वाचण्यासाठी खाली स्क्रोल करा...

मुंबई महानगरपालिकेच्या आगामी निवडणुकीच्या पार्श्वभूमीवर भारतीय जनता पार्टीने प्रचाराचा जोरदार धडाका सुरू केला आहे. या अभियानाचा एक भाग म्हणून वांद्रे पश्चिमेतील वॉर्ड क्रमांक १०१ मध्ये भाजपने पदयात्रेचे आयोजन केले.

या पदयात्रेत मंत्री अ‍ॅड. आशिष शेलार यांनी हजेरी लावली आणि भाजपच्या उमेदवार अनुश्री गजेंद्र घोडके यांना पाठिंबा जाहीर केला. मेहबूब स्टुडिओसमोरून सुरू झालेल्या या पदयात्रेत भाजपचे पदाधिकारी, कार्यकर्ते आणि मोठ्या संख्येने स्थानिक नागरिक सहभागी झाले होते.

उत्साही वातावरणात पार पडलेल्या या पदयात्रेमुळे वांद्रे परिसरात भाजपच्या प्रचाराला जोरदार गती मिळाली आहे. महापालिका निवडणुकीसाठी भाजप पूर्ण ताकदीने मैदानात उतरल्याचे या कार्यक्रमातून स्पष्ट झाले.