Ashok Chavan: उमेदवारीसाठी अशोक चव्हाण यांनी सर्व उमेदवारांकडून ५० लाख घेतले, माजी नगरसेवक भानूसिंग रावत यांचा गंभीर आरोप

थोडक्यात बातमी वाचण्यासाठी खाली स्क्रोल करा...

भाजप नेते आणि खासदार अशोक चव्हाण यांनी निष्ठावंत कार्यकर्त्यांचा बळी घेतल्याचा गंभीर आरोप माजी नगरसेवक भानूसिंग रावत यांनी केला आहे. अनेक वर्षे खासदार अशोक चव्हाण यांच्यासोबत काम केल्यानंतरही त्यांनी आपल्या कार्याची कदर न केल्याचा दावा रावत यांनी केला. उमेदवारीसाठी ऐनवेळी टिकिट कापले गेले असून, त्याआधी ५० लाख रुपये जमा करण्यास सांगितले गेल्याचे त्यांनी सांगितले.

भानूसिंग रावत म्हणाले, "नांदेड शहरात केवळ १९ भाजप कार्यकर्त्यांना उमेदवारी देण्यात आली. मात्र अनेक निष्ठावंत आणि प्रामाणिक कार्यकर्त्यांवर अन्याय झाला आहे. अशोक चव्हाण यांनी भाजपच्या निष्ठावान कार्यकर्त्यांचा बळी घेतला आहे." येणाऱ्या काळात जनता खासदार अशोक चव्हाण यांना योग्य धडा शिकवेल, असा इशाराही रावत यांनी दिला.

हा वाद भाजपच्या स्थानिक उमेदवारी वितरणावरून पेटला असून, पक्षांतर्गत असंतोष वाढत असल्याचे दिसत आहे. नांदेडमधील निवडणूक मैदानात हे आरोप राजकीय रंग चढवतील, असे राजकीय निरीक्षकांचे मत आहे.