मुंबईमध्ये विसर्जन मिरवणूकांना दणक्यात सुरुवात झालेली आहे, तसेच पुण्यातील गणपतीच्या विसर्जन मिरवणूकांचा देखील उत्साह पाहायला मिळत आहे. तर मानाचे गणपती देखील मार्गस्त झालेले आहेत. गणरायाच्या विसर्जन मिरवणूकीत गणेशभक्त देखील तितक्याच मोठ्या संख्येने सामिल झालेले आहेत. बाप्पाच्या विसर्जनाकरीता ढोल ताशांचा गजर केला जात आहे तसेच गुलालाची उधळण केली जात आहे. ज्या ज्या ठिकाणी लालबागचा राजा थांबत आहे ज्या ठिकाणी लालबागचा राजा पोहचत आहे त्या प्रत्येक ठिकाणी लालबागच्या राजावर गुलालाची उधळण केली जातं आहे, तसेच लालबागच्या राजावर फुलमाळांचा आणि फुलांचा वर्षाव देखील केला जात आहे.