संदीप शुक्ला | बुलढाणा : समृद्धी महामार्गाचे नुकतेच लोकार्पण करण्यात आले आहे. पण, अवघ्या दहा दिवसांमध्ये जवळपास पाचपेक्षा जास्त अपघात या समृद्धी महामार्गावर झाले आहेत. आजही समृद्धीवरच्या क्रश बॅरियरला वाहन धडकून मोठा अपघात झाला आहे. यामध्ये चालक जखमी झाला असून त्याच्यावर उपचार सुरु आहेत.

समृद्धी महामार्गावरील चॅनेल नंबर 330.7 वर आयशर गाडीला अपघात झाला आहे. यामध्ये गाडी चालक गंभीर जखमी झाला असून त्यावर मेहकर येथील रुग्णालयात उपचार सुरू आहेत. अपघातग्रस्त गाडी जमशेदपूरकडून भिवंडीकडे जात होती. यावेळी क्रॅश बॅरियरला जोरात धडकल्याने वाहन रस्त्यावर आडवे झाले होते. घटनेची माहिती मिळताच पोलिसांनी तात्काळ घटनास्थळी पोहोचले. व क्रेनच्या मदतीने अपघातग्रस्त वाहन रस्त्याच्या बाजूला घेऊन वाहतूक सुरळीत केली आहे.

दरम्यान, एकंदरीत या मार्गाचे सुसाट वेग, गुळगुळीत रस्ते की वाहनचालक यामुळे समृद्धी महामार्गावर अपघात होत आहेत. या मागची कारणे शोधणे गरजेचे बनले आहे.