भ्रष्टाचाराच्या अनेक प्रकरणांचा फटका साध्या माणसांना सहन करावा लागतो. रस्तेबांधणी असो, फूट ओव्हर ब्रिज असो किंवा कोणत्याही भागात सरकारी खात्याने केलेले बांधकाम असो. अशी प्रकरणे आपल्या देशात अनेकदा पाहायला मिळतात. परंतु, इतर देशांतील लोकही याला अपवाद ठरत आहेत. याचे ताजे उदाहरण नुकतेच मेक्सिकोमध्ये पाहायला मिळाले. येथे उद्घाटनासोबतच एक झुलता पूल कोसळला. या घटनेचा व्हिडिओ सोशल मीडियावर (social media) चांगलाच व्हायरल होत आहे. (hanging bridge collapsed at inauguration in mexico video viral)

ही घटना मेक्सिकोच्या कुर्नावाका शहरातील आहे. मेक्सिकोच्या क्वेर्नावाका शहरात मंगळवारी एका झुलत्या पुलाचे उद्घाटन होणार होते. उद्घाटनासाठी नगराध्यक्षांसह शहरातील अनेक अधिकारी व नागरिक पोहोचले होते. पुलाचे उद्घाटन झाले, त्यानंतर लोक त्यावर चालायला आ तेव्हाचं हा पुल कोसळला.

संपूर्ण झुलता पूल खालून वाहणाऱ्या नाल्यात पडला. या अपघातावेळी महापौरांसह इतर अनेकजण उपस्थित होते. लाकडी फलकांनी बनवलेला हा लटकणारा पूल इतका कमकुवत होता की तो 20 जणांचे वजन पेलू शकत नव्हता. या नाल्यात खडक आणि मोठे दगडही होते. सुदैवाने या अपघातात कोणाचाही मृत्यू झाला नाही. जखमींमध्ये नगर परिषद सदस्यांसारख्या स्थानिक अधिकाऱ्यांचाही समावेश आहे.