मुंबई : विधानसभेचे उपाध्यक्ष नरहरी झिरवळ अनेकदा सत्तासंघर्षात चर्चेत आलेले पाहायला मिळाले. परंतु, सध्या झिरवळ वेगळ्याच कारणामुळे सोशल मीडियावर चर्चेचा विषय ठरत आहेत. एका अभ्यास दौरा निमित्त नरहरी झिरवळ आपल्या पत्नीसह जपान येथे गेले आहे. यावेळी एअरपोर्टवरील फोटो त्यांनी ट्विट केला आहे. या फोटोतील साधेपणा नेटकऱ्यांचा पसंतीस उतरला असून झिरवळांचे तोंडभरुन कौतुक केले आहे.

नरहरी झिरवळ आज राष्ट्रकुल संसदीय मंडळ महाराष्ट्र शाखेतर्फे जपानमध्ये महाराष्ट्र विधानमंडळ सदस्यांसमवेत अभ्यास दौरा आयोजित केला आहे. यावेळी एअरपोर्टवरी फोटो त्यांनी ट्विटरवर शेअर केला आहे. परदेशात जातानाही कोणाताही बडेजावपणा न करता डोक्यावर गांधी टोपी, डोळ्यांवर चष्मा अंगात पांढरा कुर्ता पायजमा असे नरहरी झिरवळ दिसून आले. तर, अत्यंत साध्या ग्रामीण वेशातील काष्टा घातलेल्या झिरवळ यांच्या पत्नीने नेटकऱ्यांची मने जिंकून घेतली. या फोटोवर युजर्सने अक्षरशः कमेंटचा वर्षाव केला आहे.

एका युजर म्हंटले की, किती साधेपणा जपलाय साहेब. खूप भारी फोटो आला आहे साहेब अस्सल महाराष्ट्रीय. तर दुसऱ्याने राजकीय टिप्पणी न करता तुमच्या साधेपणाला सलाम करावा वाटतो. आपल्या मंडळीच्या चेहऱ्यावर जे हास्य आहे हे त्याच मोल कुठच होत नाही. आपली संस्कृती सोबत ठेवून तुम्ही जपान पाहताय बरं वाटलं, असे म्हंटले आहे. आणखी एकाने लिहले की, साधी राहणी..उच्च विचारसरणी .. तुमच्यात आम्हाला आमची खरी संस्कृती, परंपरा दिसत आहे. तर, मामी काहीतरी तुमच्याकडून शिकतील ही अपेक्षा, असे म्हणत युजरने टोला लगावला आहे.