संपूर्ण राज्याचे लक्ष सध्या उद्याच्या शिवसेना आणि शिंदे गटाच्या मेळाव्याकडे लागले आहे. त्याच पार्श्वभूमीवर उद्या होणाऱ्या या मेळाव्यासाठी राज्यभरात कार्यकर्ते मुंबईत दाखल होत आहे. या मेळाव्याला येत असताना शिंदे गटाचे नेते अर्जुन खोतकर यांच्या ताफ्यातील गाड्यांचा अपघात झाल्याची बातमी समोर आली आहे.
उद्या मुंबईत मुख्यमंत्री शिंदे गटाच्या दसरा मेळाव्यासाठी जात शिंदे गटाचे नेते अर्जुन खोतकर यांच्या ताफ्यातील गाड्याचा अपघात झाला आहे. दौलताबाद येथील समृद्धी महामार्गावर हा अपघात झाला असून ताफ्यातील ८ ते १० गाड्या एकमेकांना धडकल्या असल्याची माहिती मिळत आहे.
परवानगी नसतांना समृद्धी महामार्गावरून गाड्या नेण्यात आल्याचे सांगितले जात आहे. या अपघातामध्ये गाड्यांचे थोडेफार नुकसान झाल्याचे सांगण्यात येत आहे. मात्र, गाड्यामधे असलेल्यांना दुखापत झाली का नाही याबाबत अद्याप माहिती मिळाली नाही. शिंदे गटाचे उपनेते अर्जुन खोतकर यांच्या ताफ्यातील या गाड्या आहेत.